前言

由於好多街坊都唔係住係富多來，所以未必可以好定期咁睇到「法團會議記錄」

我，鬍鬚仔，同一班街坊，組成了一個「富多來法團監察小組」，務求將法團「古靈精怪」的事挑出來。等大家更瞭解下成個法團的運作，務求令到富多來係按法律行事，從而做到樂居樂業，價格飛升。

我本身都係投資者，擁有一個收租物業，以個人名義持有。

原本我同大家一樣，都唔係太理屋苑的管理，但容忍有限度，屋苑管理不能隻手遮天。

我鬍鬚仔會利用工餘時間，為各位街坊服務，或透過有商有量，點樣可以去改善我地屋苑的質素。

所以成立了這個BLOG。

由於法團內某些委員是依靠商場某位地產舖小姐提供大量授權票，為免以後由這些授權票壟斷屋苑的決策，我成立監察小組，就係希望提高透明度，以及聯絡各位不居於此的業主，務求令到屋苑管理回復正軌。

所以，請將這個網誌加在你的瑣匙圈中，以及煩請將個人資料，例如單位，姓名，電話，電郵，WHATSAPP（如有），提供給我們。

既可作聯絡，本監察組亦會將最近資訊向各位分享。

（文件及數字是騙不了人，鬍鬚仔知道有人不斷以訛傳訛，一個大話接一個大話，係文件的照妖鏡下，真相就會出來。）






是為序。