序言

唔知大家覺唔覺，近年來，已經少咗好多涉及黑社會的大案，八九十年代的搶金行，搶銀行等等，已不復見。

「維穩」，就係希望呢D有背景人士可以「做返正行」；等佢地「唔駛犯法都搵到食」。

樓宇維修，涉及每年約200億的生意額，姑勿論你搵邊間顧問，邊間承辦商；但不成文的規矩，利潤都會透過唔同的方法去「維穩」。

所謂「鹿死誰手」，其實只係邊個集團拿到單生意，鹿就一定死硬，只係睇下死係邊個手咁解。當「法團」呢隻羊牯上了當，跟住就會係一連串的官司，講數，然後就係謝幕。

法團的代表，叫做「管理委員會」，香港人最鍾意就係揀「信得過」的人去擔任，例如住咗幾廿年的，就最「信得過」，但從來唔諗下佢地能力，甚至乎佢地係咪內鬼。你睇下好多有關圍標的新聞，出問題的，都係呢一類「住咗好多年，信得過的街坊」。

清兵入關，都要靠吳三桂；好多管理委員會都係靠著「維修」人員的指點，去蠶食法團的利益；但原來，「管理委員會」要搵食，根本唔駛靠呢D。

因為，法例存在漏洞。

本群組係「借題發揮」，借一些個案來反映香港社會所有屋苑的潛在危機。既然小市民改變不了法例，咁就不如「有錢齊齊搵」，睇下搵到幾時政府先出手。

是為序。